PM:11:22:12/11/2024
252 جار خوێندراوەتەوە
+
-
ریاڵ مەدرید لە
هەموو یانەکانی تر زیاتر گرنگی بە دەیڤز دەدات و یاریزانەکەش دڵی لە مەدریدە.
هاوینی 2025
گرێبەستی ئەڵفۆنسۆ دەیڤز لەگەڵ بایرن میونشن بەسەردەچێت و چەندین یانەی گەورەی
دەرەوەی ئەڵمانیا چاویان لە گواستنەوەیەتی، لەوانە ریاڵ مەدرید و بەرشەلۆنە و
مانچستەر یونایتد، بەڵام ئەوەی روونە یانەکەی
مەدرید لە هەمووان نزیکترە و خودی یاریزانەکەش خەونی یاریکردنە لەو یانەیە.
بەگوێرەی
نوێترین زانیاریش کە رۆمان ئالڤارێزی رۆژنامەنووس لە رادیۆی مارکا
بڵاویکردووەتەوە، ئەستێرە کەنەدییەکە دەیەوێت گرێبەست لەگەڵ ریاڵ مەدرید واژۆ بکات
سەرەڕای گرنگی پێدانی لەلایەن بەرشەلۆنە و مان یونایتدەوە.
پێکهاتەکەی
ئەنچیلۆتی لە ئێستادا چەندین کێشەی هەیە و بەدەست نەبوونی یاریزانی پێگە
جیاوازەکانەوە بە تایبەت لە بەرگریدا دەناڵێنێت و دەیەوێت بە گواستنەوەی ئەڵفۆنسۆ
بە تەواوی کێشەکانی بەرگری راستی چارەسەربکات چونکە لە رووی هێرشبەریەوە سوودێکی
زۆری لە فران گارسیا و مێندی نەبینووە.