PM:03:13:10/10/2021
1236 جار خوێندراوەتەوە
+
-
سوارێز ئاشکرایکرد ڕووبەڕووبونەوەی میسی ئاساییە و لە
ناو یاریگادا هاوڕێیەتی بونی نیە.
لویس سوارێزی ئۆرۆگوایی هێرشبەری یانەی ئەتلەتیکۆ
مەدریدی ئیسپانی لە لێدوانێکی پێش یاریەکەیان بەرامبەر ئەرجەنتین وتی: ئەرجەنتین
خاوەن هێزێکی تایبەتە بەتایبەتی کاتێک لەناو یاریگای خۆیاندا یاریدەکەن،هەروەها
لەئێستادا لەباشترین کاتەکانیدایە دوای ئەوەی کوپا ئەمریکایان بەدەستهێنا.
هەروەها وتیشی: یاریەکە سەخت و ئاڵۆز دەبێت چونکە
هەردوولا هەوڵی بردنەوە دەدەین بەڵام ئێمە بەهەمان ڕۆحیەتی سەرکەوتن یاریدەکەین و
پێویستە بەهێزبین.
سوارێزی 34 ساڵ دوپاتیکردەوە کە یاریکردن بەرامبەر
هەڵبژاردەی وەک ئەرجەنتین و بەرازیل هەمیشە چێژبەخشە بەتایبەتی یاریکردن دژی میسی
و نەیمار بەڵام لەناو یاریگادا هاوڕێیەتی
بونی نیە.