PM:12:09:10/10/2021
2996 جار خوێندراوەتەوە
+
-
لە پاڵاوتنى مۆندیالدا، ئەمشەو بەڕازیل و کۆڵۆمبیا یارى
لوتکە دەکەن و ئەرجەنتینیش میواندارى ئۆرۆگواى دەکات.
لە جەولەى پێنجەمى دواخراوى پاڵاوتنەکانى ئەمریکاى باشور
بۆ مۆندیالى 2022ى قەتەر، ئەمشەو کاتژمێر 11، بۆلیڤیا و پیرۆ ڕووبەڕووى یەکدەبنەوە
و کاتژمێر 11 و 30 خولەکیش، ئیکوادۆر دەبێتە میوانى ڤەنزوێلا.
لە یارى لوتکەى جەولەکەدا و کاتژمێر 12، کۆڵۆمبیا لە
خاکى خۆیدا، بەرامبەر بەڕازیل یارى دەکات، کە ئەم سەرجەم یارییەکانى پاڵاوتنى
بردووەتەوە.
لە کاتژمێر دوو و 30 خولەکیشدا، ئەرجەنتین لە یاریگاى
مۆنیمۆنتاڵ لە بۆینس ئایرسى پایتەختدا، میواندارى ئۆرۆگواى دەکات و لیۆنێل میسى و
لویس سوارێزى هاوڕێى ڕووبەڕووى یەکدەبنەوە.
لە دوا یارى جەولەکەشدا و کاتژمێر سێ، چیللى لە یاریگاى
خۆیدا، میواندارى پاراگواى دەکات.
لە ئێستادا بەڕازیل بە 27 خاڵ لە پێشەنگى ڕیزبەندى
خولەکەدایە و ئەرجەنتینیش بە 19 خاڵ پلەى دووەمى گرتووە، ئیکوادۆر و ئۆرۆگوایش بە
16 خاڵ و بەدواییەکدا لە پلەکانى سێیەم و چوارەمدان.
گ . ف
