PM:11:38:16/09/2024
344 جار خوێندراوەتەوە
+
-
تیباس
دوپاتیکردەوە ئەگەر مان سیتی سزا نەدرێت ئەوا خولی ئینگلتەرا شکۆی لەدەست دەدات.
مان سیتی ڕووبەڕووی 115 تۆمەتی پێشێلکردنی یاساکانی
یاری دادپەروەرانەی دارایی لە خولی ئینگلتەرا بووەتەوە و یەکەم دانیشتنی دادگای
ئەنجامدرا و چاوەڕێ دەکرێت 10 هەفتە بخایەنێت و لەم وەرزەدا بڕیاری کۆتایی بدرێت.
لەم بارەیەوە خافێر تیباسی سەرۆکی لالیگا لە
لێدوانێکدا کە ڕۆژنامەی دەیلی مەیلی بەریتانی تیشکی خستۆتە سەری دەڵێت: نابێ خولی
نایابی ئینگلتەرا دەستبەرداری فشارەکان بێت، مانچستەر سیتی تەنها یانەیەکە، کاتێکیش
سەرکردایەتی یەکێتییەک دەکەیت، دەبێت دادپەروەرانە مامەڵە بکەیت.
وتیشی: زیاتر لە 115 تۆمەت هەیە من هەموو شتێک
نازانم، بەڵام دەزانم چی ڕوویدا سەبارەت بە دۆسیەی مانچستەر سیتی و لە یوفا زۆر
باش ئەوە دەزانم لەبەر ئەوە ئەگەر سیتی سزا نەدرێت ئەوا شکۆمەندی پێشبڕکێکە لەدەست
دەچێت.
ئاماژەی بەوەشکرد، نابێت جیاوازی لە نێوان یانە
گەورە و بچووکەکان و گرنگ و ناگرنگەکان بکرێت،
مانچستەر سیتی سەرپێچی ئەنجامداوە، هەروەها دەبێت ئەو سزایە وەربگرێت کە شایەنیەتی.