لە یارییەکی هەفتەی 37 ی خولی ئیتاڵیا میلان لە دەرەوەی یاریگای خۆی رووبەرووی تۆرینۆ بوەوە.
تایمی یەکەم، تۆرینۆ دوو گۆڵی لە خولەکەکانی 26 و 40 خستە تۆڕی گۆڵی میلان.
لە تایمی دووەمدا، بن ناسر لە خولەکی 55 بە لێدانی سزا ئەنجامەکەی بۆ رۆسۆنێری کەمکردەوە، بەلام تۆرینۆ بێ هیوای کردن و لە کاتی زیادکراودا گۆڵی سێیەمیشیان تۆمارکرد.
سەرەنجام یانەی خاوەن یاریگا بە سێ گۆڵ بەرامبەر بە گۆڵێک شکستی بە میلان هێنا.
میلان بە 74 خاڵ لە پلەی دووەم جێگیرە و تۆرینۆ بە 53 خاڵ چووە پلەی نۆیەم.