AM:09:41:28/03/2024
48476 جار خوێندراوەتەوە
بەڕێوەبەرایەتی کەشناسی عێراق رایگەیاند، لە ٤٨ کاتژمێری رابردوودا سەرەڕای بەرزبوونەوەی پلەکانی گەرما شەپۆلێکی باران بارینی مامناوەند تا رۆژی یەکشەممە ناوچە جیاوازەکانی ناوەڕاستی عێراق و ناوچە شاخاوییەکانی هەرێم دەگرێتەوە.
ئەمڕۆ پێنجشەممە، بەڕێوەبەرایەتی کەشناسی و بوومەلەرزەزانی عێراق لەبارەی کەش و هەوای ئەمڕۆوە رایگەیاند، ئاسمان بە گشتی ساماڵ دەبێ و لە هەندێک کاتیشدا دەگۆرێت نیمچەو هەور و هەوری تەواو لەگەڵ باران بارینێکی کەم.
ئاماژەی بەوەش
کرد، سەرەڕای بەرزبوونەوەی پلەکانی گەرما بەهۆی هاتنی پاڵەپەستۆیەکی نزمەوە شەپۆلێکی
باران بارین ناوچە شاخاوییەکانی هەرێم دەگرێتەوە و بەتایبەتیش سنوری دهۆک و ناوچە
سنورییەکان.
هاوکات، لە
بارەی کەش و هەوای هەینیەوە رایگەیاند، ئاسمان ساماڵ دەبێت و پلەکانی گەرماش یەک بۆ سێ پلە بەرزبوونەوە بەخۆیەوە دەبینێت لەگەڵ بەرزبوونەوەی ئاستی خێرای با بۆ ٢٠ کیلۆمەتر
لە کاتژمێرێکدا.
دەشڵێت،
" کاریگەری شەپۆلەکە تا رۆژی یەکشەممە بەردەوام دەبێت و رۆژی شەممە و یەکشەمەش
بە هەمان شێوە بارانێکی کەم لە ناوچەشاخاوییەکانی هەرێم دەبارێت".
