PM:03:41:26/03/2024
393644 جار خوێندراوەتەوە
ئەنجومەنی وەزیرانی عێراق رۆژانی پشووی جەژنی رەمەزانی دیاریکرد و ئاماژەی بەوەکردووە، لە رۆژی ٩ تاوەکو ١٣ی نیسان، لە سەرجەم دامودەزگاکانی عێراقدا پشوو دەبێت.
ئەنجومەنی وەزیرانی عێراق رایگەیاند، رۆژانی پشووی جەژنی رەمەزان لە ٩ی مانگی نیسان تاوەکو ١٣ی نیسان دەبێت و رۆژی ١٤ی نیسان، دەست بە دەوامی فەرمی دەکرێتەوە.
لە رۆژی ١١ی ئەم مانگەوە
مانگی رەمەزان دەستیپێکردووە و ئەمڕۆ ١٦یەم رۆژی مانگی رەمەزانە.
ئەگەر بەپێی راگەیاندراوەکەی
ئەنجومەنی وەزیران بێت، ئەوا ٩ی مانگی نیسان دەبێتە جەژنی رەمەزان و مانگی رەمەزان
٢٩ رۆژ دەبێت، ئەگەر لە رۆژی ١٠ی مانگیشدا بکرێتە جەژن ئەوا مانگی رەمەزان ٣٠ رۆژی
تەواو دەبێت و دوو رۆژی کۆتایی پشووەکە بەر رۆژانی هەینی و شەممە دەکەون، کە خۆیان
پشووی فەرمین لە دامودەزگا حکومییەکاندا.
هـ.ئـ
