AM:11:36:11/01/2026
112 جار خوێندراوەتەوە
+
-
گارسیا رایگەیاند لە ساتێکی باشدان و دەیانەوێت تۆڵەی یاریی رابردوو
لە ریاڵ مەدرید بکەنەوە.
ئیریک گارسیای بەرگریکاری یانەی بەرشەلۆنە پێش ڕووبەڕووبوونەوەی یانەی
ڕیال مەدرید جەختیکردەوە،یانە کەتەلۆنییەکە بە ئاواتەخوازی
بردنەوەی یەکەم نازناوی ئەمساڵەوە دەچێتە نێو یارییەکەوە.
وتیشی: خواستێکی بەهێزمان هەیە بۆ
دەستپێکردنی ساڵی نوێ بە نازناوێک، ئەوە زۆر گرنگ دەبێت، تیپەکەش پاڵنەرێکی
تەواوەتی هەیە بۆ بردنەوە، بە تایبەت تۆڵەکردنەوەی یاریی رابردوو.
ئاماژەی بەوەکرد، یاریی نێوان بەرشەلۆنە و مەدرید هەمیشە یارییەکی
تایبەتە، یارییەکەی رابردوو لە خولی ئیسپانیا بۆ ئەوان قورس بوو، بەڵام هەلێکیان
هەیە ئەمە بگۆڕن و نازناوێک بەدەستبهێنن.
دەشڵێت: ئێمە لە کلاسیکۆی رابردوو بەدەست زۆر لە پێکانەکان
دەمانناڵاند، ئەوە بیانوو نییە بەڵکو ڕاستییە، بەڵام ئێستا یاریزانە گرنگەکانمان گەڕاونەتەوە
و ئێمە لە ساتێکی باشداین کە متمانەیەکی زۆرمان پێدەبەخشێت.