PM:02:43:16/09/2025
108 جار خوێندراوەتەوە
+
-
لە جامی جیهانی بالە ئەرجەنتین و بەرازیل
بردنەوەیان بەسەر کۆریای باشوور و چیک بەدەستهێنا.
لە قۆناغی کۆمەڵەکانی جامی جیهانی بالە،
هەڵبژاردەی ئەرجەنتین بەرامبەر هەڵبژاردەی کۆریای باشوور یارییکرد.
لە کۆمەڵەی یەکەمدا، یاریزانانی ئەرجەنتین
باشتر بینران و بە ئەنجامی 25 بە 22 خاڵ لە سوودی خۆیان کۆتاییانپێهێنا بەڵام
کۆریای باشوور بە بردنەوەی کۆمەڵەی دووەم ئەنجامەکەی یەکسانکردەوە.
دواتر ئەرجەنتینیەکان کۆمەڵەکانی سێیەم و
چوارەمیان بە ئەنجامەکانی 25 بە 21 خاڵ و 25 بە 18 خاڵ لە سوودی خۆیان کۆتایی
پێهێنا و سەرەنجام یارییەکەیان بە ئەنجامی سێ کۆمەڵە بەرامبەر کۆمەڵەیەک بردەوە.
لە یارییەکانی تریشدا، هەڵبژاردەی بەرازیل
رووبەڕووی چیک بووەوە و بە ئەنجامی سێ کۆمەڵەی بێبەرامبەر بردنەوەی بەسەردا
بەدەستهێنا، تونس و جەزائیر بە ئێران و ئۆکرانیا دۆڕان.
دوای ئەو ئەنجامانە، هەڵبژاردەی ئەرجەنتین
بە کۆکردنەوەی پێنج خاڵ لە پێشەنگی کۆمەڵەی سێیەمدایە و بەرازیلیش شەش خاڵی هەیە و
لە پلەی یەکەمی کۆمەڵەی حەوتەمدا دەبینرێت.
خ . ک