PM:01:55:15/09/2025
104 جار خوێندراوەتەوە
+
-
لە باسکەی ئەوروپا ئەڵمانیا بە جیاوازی
پێنج خاڵ لە تورکیای بردەوە و نازناوەکەی بەدەستهێنا.
لە یاریی کۆتایی پاڵەوانێتی باسکەی
ئەوروپا، هەڵبژاردەی ئەڵمانیا بەرامبەر هەڵبژاردەی تورکیا یارییکرد.
لە سەرەتای یارییەکەوە کێبڕکێیەکی بەهێز
لە نیوان هەردوو هەڵبژاردە بینرا و تایمی یەکەم بە جیاوازی دوو خاڵ لە سوودی
ئەڵمانیا کۆتاییهات بەڵام تورکیا تایمی دووەمی بە جیاوازی هەشت خاڵ بردەوە.
دواتر یاریزانانی ئەڵمانیا تایمەکانی
سێیەم و چوارەمیان لە سودی خۆیان کۆتاییپێهێنا و سەرەنجام توانیان یارییەکە بە
جیاوازی پێنج خاڵ و بە ئەنجامی 88 بە 83 خال لە سوودی خۆیان کۆتایی پێبهێنن.
دوای ئەو بردنەوەیە، هەڵبژاردەی ئەڵمانیا
بووە پاڵەوان و بۆ دووەمجار لە مێژوویدا نازناوی پاڵەوانێتی باسکەی ئەوروپای
بەدەستهێنا، پێشتر لە ساڵی 1993 نازناوەکەی بردووەتەوە.
خ . ک