AM:09:30:06/09/2025
148 جار خوێندراوەتەوە
+
-
لە جامی ئەمریکای کراوە ئەلکاراز و سینەر
گەیشتنە یاریی کۆتایی و جۆکۆڤیچ ماڵئاواییکرد.
لە قۆناغی پێش کۆتایی جامی ئەمریکای کراوە
بۆ تێنسی سەرزەوی، کارلۆس ئەلکارازی ئیسپانی بەرامبەر نۆڤاک جۆکۆڤیچی سڕبی
یارییکرد.
لە کۆمەڵەی یەکەمدا، ئەلکاراز بە ئاستێکی
نایابەوە دەرکەوت و بە ئەنجامی شەش بە چوار گێم لە سوودی خۆی کۆتایی پێهێنا.
دواتر جۆکۆڤیچ هەوڵیدا ئەنجامەکە
یەکسانبکاتەوە بەڵام هەوڵەکانی بێسوود بوون و ئەلکاراز دوو کۆمەڵەکەی تری بە
ئەنجامەکانی حەوت بە شەش گێم و شەش بە دوو گێم لە سوودی خۆی کۆتایی پێهێنا،
سەرەنجام توانی یارییەکە بە ئەنجامی سێ کۆمەڵەی بێبەرامبەر بباتەوە.
لە هەمان قۆناغ، یانیک سینەری ئیتاڵی
رووبەڕووی ئۆگێر ئەلیاسیمی کەنەدی بووەوە و بە ئاسانی و بە ئەنجامی سێ کۆمەڵە
بەرامبەر کۆمەڵەیەک بردنەوەی بەسەردا بەدەستهێنا.
دوای ئەو ئەنجامانە، هەریەکە لە ئەلکاراز
و سینەر سەرکەوتنیان بۆ یاریی کۆتایی مسۆگەر کرد و سبەینێ یەکشەممە رووبەڕووی
یەکدەبنەوە، جۆکۆڤیچ و ئەلیاسیم ماڵئاواییانکرد.
خ . ک