AM:01:46:19/11/2024
260 جار خوێندراوەتەوە
+
-
لە نەیشنز لیگ ئیسپانیا بە سێ گۆڵ بەرامبەر بە دوو گۆڵ لە سویسرای بردەوە و پورتوگال و کرواتیاش یەکسان بوون.
لە کۆتا یاری قۆناغی کۆمەڵەکانی نەیشنز لیگ، ئیسپانیا لە یاریگای خۆیدا میوانداری سویسرای کرد.
لە تایمی یەکەم، ئیسپانیا باشتر بینرا سەرەڕای لەدەستدانی لێدانێکی سزا لەلایەن پێدریەوە لە خولەکی 32 لەڕێگای یاریمی پینۆوە گۆڵی یەکەمیان تۆمارکرد و ئەو تایمەش بەو ئەنجامە کۆتایی پێهات.
لە تایمی دووەم، لە خولەکی 63 جۆیڵ مۆنتێرۆ ئەنجامەکەی بۆ سویسرا یەکسانکردەوە، بەڵام پێنج خولەک دواتر برایان گیل ئیسپانیای کردە خاوەنی گۆڵی دووەم، هەرچەندە لە خولەکی 85 ئاندی زەقیری ئەنجامەکەی بۆ سویسرا هاوتاکردەوە بەڵام لە خولەکی سێی کاتی زیادکراو برایان زاراگۆزا ئیسپانیای کردە خاوەن گۆڵی سێیەم و بردنەوه.
بەو ئەنجامەش ئیسپانیا بە یەکەمی کۆمەڵەکە سەرکەوت بۆ قۆناغی داهاتوو، سویسراش ماڵئاوایکرد.
لە یارییەکی تریشدا، پورتوگال و کرواتیا بە گۆڵێک یەکسان بوون، هەردووکیشیان گەیشتنە قۆناغی داهاتوو.