AM:09:56:16/11/2024
296 جار خوێندراوەتەوە
+
-
جەیک پاول یاریە
مێژوویەکەی لە تایسۆن بردەوە و دواتریش رایگەیاند قورسترین رووبەڕووبونەوەی بووە.
بەرەبەیانی ئەمڕۆ
لە شاری ئارلینگتۆن لە ویلایەتی تەکساسی ئەمریکا، یارییەکی بۆکسینی مێژوویی
بەڕێوەچوو لە نێوان مایک تایسۆنی 58 ساڵ و جەیک پاوڵی 27 ساڵ.
لە چەند جەولەی
یەکەمی یاریەکەدا، هەردوو بۆکسێنەرەکە تا رادەیەکی زۆر نزیکبوون لە یەکەوە و یاریەکەش
لە بەردەم 72 هەزار و 30 هاندەر لە یاریگای ئەی تی ئاند تی ئەنجامدرا.
لە قۆناغەکانی کۆتاییدا،
ماندوێتی بەڕووی تایسۆنی 58 ساڵدا دیاربوو ئەوەش بووە هۆکاری ئەوەی کە پاول باشتر
بێت و یاریەکە بە جیاوازی شەش خاڵ و بە ئەنجامی 79 بە 73 خاڵ بباتەوە.
دواتریش پاول لە
لێدوانێکیدا دوپاتیکردەوە کە پێویستە رێزێکی زۆری تایسۆن بگیرێت چونکە بەو
تەمەنەوە رووبەڕووی قورسترین شەڕی کردەوە، ئەو باشترینی هەموو کاتەکانە.
بە پیی
زانیارییەکانیش، مایک تایسۆن بڕی 20 ملیۆن دۆلاری لەو رووبەڕووبونەوەیەدا بەدەستهێنا
و پاولیش بڕی 40 ملیۆن دۆلار وەردەگرێت.
خ . ک