PM:10:10:26/06/2024
324 جار خوێندراوەتەوە
+
-
لە خولی ئەستێرەکانی عێراق هەولێر و نەجەف بە
گۆڵیک بۆ هەردوولا یەکسان بوون.
لە یارییەکانی هەفتەی 35ی خولی ئەستێرەکانی
عێراق، هەولێر لە یاریگای فرانسۆ هەریری میوانداری نەجەفی کرد.
لە تایمی یەکەم کوڕانی هەولێر بە پشت بەستن
بە هاندەرانیان دەیانویست گۆڵ تۆماربکەن، بەڵام سەرکەوتوو نەبوون وە لە خولەکی
حەوتی کاتی زیادکراویشدا لێدانێکی سزایان بۆ هەژمارکرا بەڵام محەممەد قاسم
نەیتوانی بە سەرکەوتووی جێبەجێی بکات.
لە تایمی دووەم، لە خولەکی 65 محەممەد داود
توانی گۆڵی پێشکەوتن بۆ نەجەف تۆماربکات بەڵام زۆری نەخایاند و لە خولەکی 68 شێرکۆ
کەریم ئەنجامەکەی بۆ هەولێر یەکسانکردەوە و سەرەنجامیش یارییەکە بە یەکسانی کۆتایی
پێهات.
بەم ئەنجامەش هەولێر خاڵەکانی بوون بە 36 خاڵ و لە
پلەی 14یەم دێت، نەجەفیش 62 خاڵی هەیە لە پلەی چوارەم.