PM:07:05:19/06/2024
356 جار خوێندراوەتەوە
+
-
لە خولی ئەستێرەکانی عێراق هەولێر بە دوو
گۆڵی بێوەڵام بردنەوەی بەسەر نەفتی میساندا بەدەستهێنا.
لە یارییەکانی هەفتەی 33ی خولی ئەستێرەکانی
عێراق، هەولێر لە یاریگای خۆیداى میوانداری نەفتی میسانی کرد.
لە تایمی یەکەم سەرەڕای هەوڵەکانی هەردوولا
هیچ گۆڵیک نەبینرا و ئەو تایمە بە یەکسانی کۆتایی پێهات.
لە تایمی دووە لە سەرەتاکان هیچ گۆڵێک
نەبینرا، بەڵام لە خولەکی 77 لێدانێکی سزا بۆ کوڕانی قەڵاو مەنارە هەژمارکرا و
محەمەد قاسم بە سەرکەوتووی جێبەجێی کرد، یارییەکە نزیک بوو بەو ئەنجامە کۆتایی
پێبێت بەڵام لەخولەکی سێی کاتی زیادکراودا بارزان شێرزد گۆڵی دووەم و دڵنایی هەولێری
تۆمارکرد و یارییەکەیان بە بردنەوە کۆتایی پێهێنا.
لە یارییەکی تریشدا یانەی نەورزۆ لە دەرەوەی
یاریگای خۆی بە گۆڵێکی بێوەڵام لە نەفتی بردەوە.
لە ئێستادا نەورۆز خاوەنی 51 خاڵە و لە پلەی
شەشەمی خولی ئەستێرەکانی عێراق دێت، هەولێریش خاوەنی 36 خاڵە لە پلەی 14یەم.