PM:08:13:28/01/2023
2968 جار خوێندراوەتەوە
+
-
لەخولی ئیسپانیا
بەرشەلۆنە بەگۆڵێکی بێبەرامبەر لە جیرۆنای بردەوە و پێشەنگی بەهێزترکرد.
لە یاریەکانی هەفتەی
نۆزدەیەمی خولی ئیسپانیا یانەی بەرشەلۆنە لە دەرەوەی یاریگای خۆی بووە میوانی
یانەی جیرۆنا و یاریەکەشی بەئەنجامی گۆڵێکی بێبەرامبەر لێبردەوە.
یاریەکە لەسەرەتاوە
ڕکابەریەکی زۆری بەخۆیەوەبینی و بەرشەلۆنە بەئامانجی بەهێزکردنی پێشەنگی ڕیزبەندی
لالیگا چووە ناو یاریگا و سەرەڕای ئەوەی چەندین هەلی گۆڵ تۆمارکردنیان بۆ دروستبوو
بەڵان تایمی یەکەم بەبێ گۆڵ کۆتایهات.
لە تایمی دووەم چاڤی
هێرناندێز پێکهاتەی بەرشەلۆنەی ڕێکخستەوە و بەشێوەیەکی باشتر دەرکەوتن و کۆنتڕۆڵی
یاریەکەیان کرد تا لەخولەکی 61 پێدری گۆڵی یەکەم و بردنەوەی یانەکەی تۆمارکرد.
بەو بردنەوەیە بەرشەلۆنە
کۆی خاڵەکانی گەیاندە 47 خاڵ و پێشەنگی ڕیزبەندی خولەکەی بەهێزترکرد.