ئەم پڕۆسەیە بەدوای خۆیدا کۆمەڵێک دەرئەنجامی جێهیشتووە، کە ئەمڕۆ هەسارەکەمان بە چالاکی دەهێڵێتەوە، وەک گڕکانەکان و چینە تەکتۆنییەکان.

پرسیاری سەرسوڕهێنەری زاناکان لە پشت ئەم پڕۆسەیەوە دروستبووە، وەک خێرایی ساردبوونەوەی ناوکی زەوی چەندە و کەی سیستمی ساردکردنەوە کۆتایی دێت و ئەو گۆڕاکارییە ژینگەییانە چین کە دەتوانن زەوی بگۆڕن بۆ هەسارەیەکی بێ گیانی وەک مەریخ؟

بەگوێرەی توێژەران و ئامادەکارانی توێژینەوەکە، تاکە رێگا بۆ وەڵامدانەوەی ئەم پرسیارە ئەوەیە کە ئەو کانزایانە بناسین کە سنووری نێوان ناوک و بەرگی زەوی پێکدەهێنن، واتە ئەو شوێنەی کە بەردەکان بە ناوکی تواوە دەگەن، بۆ دیاریکردنی رێژەی ئەو جۆرە ساردبوونەوەیە لەو نێوەندەدا.

بەڵام کێشەی سەرەکی ئەوەیە کە ئەنجامدانی تاقکیکردنەوە و توێژینەوە لەسەر ئەو چینە زۆر کارێکی سەختە بەهۆی ئەوەی زۆر لەخوارەوەی زەویدایە.

لە توێژینەوە نوێیەکە کە لە گۆڤاری زانستی زەویناسی و هەسارەکانی دیکە بڵاوکراوەتەوە، زانایان لە تاقیگەکەدا هەوڵیاندا بزانن کە چۆن ئەو ماددانەی لەو نێوەندەدان گۆڕانکارییەکانی پلەی گەرمییان بەسەردا دێت بۆ ئەوەی بزانن چی روودەدات لە ناو هەسارەکەماندا.

مۆتۆهیکۆ موراکامی نوسەر و یەکێک لە ئامادەکارانی توێژینەوەکە لە پەیمانگای تەکنەلۆجیای فیدڕاڵی سویسری، بەرۆژنامەی ئیندیپێندێنتی بەریتانی راگەیاند: "ئەم سیستمە پێوانەییە دەری خستووە گۆڕانکاری پلەی گەرمی پۆستمەگنێت نزیکەی هێندە و نیوێک جار زیاترە لە ئاستی پێویستی خۆی."

دەشڵێت، "ئەگەر زەوی خێراتر ساردبێتەوە، کاریگەرییە جیاوازەکانی ئەم پرۆسەیەش دەگۆڕێت" بۆ نمونە، جوڵەی چینی تیکتۆنی زەوی دەتوانێت خێراتر لە پێشبینیکراو خاوبێتەوە و لەداهاتوودا کاتێک پردێمگنێت سارد دەبێتەوە و ناچالاک دەبێت، لە شوێنپێی هەسارە بەردینەکانی وەک مەریخ".

زانایان جەختیان لەسەر پێویستبوونی لێکۆڵینەوەی زیاتر کردەوە بۆ تێگەیشتن لە ناخی زەوی و دیاریکردنی تێگەیشتنێکی وردتر لە کاتەکانی پەیوەست بە ساردی ناوچەی ناوکی زەوی.