ئاماژەی بەوەشکردووە، "ئایا مەرجی بەشداریکردنی پارتی و یەکێتیی جێگیرکردنی مافی موچەخۆرانە لە بودجەی گشتی عێراق و هاوتاکردنی موچەی پێشمەرگەیە لەگەڵ سوپای عێراق وەک بەشێک لە پێکهاتەی بەرگری عێراق و جێبەجێکردنی ماددەی (١٤٠) و گەڕانەوەی ناوچە کوردستانییەکانی دەرەوەی ئیدارەی هەرێم دەبێت؟ یانیش وەرگرتنی پۆست و ئیمتیازی ماددی وەک لە رابردوو بینیمان؟"

کاوە عەبدولقادر باسی لەوەشکردووە، "لە کابینەکانی رابردوودا یەکێتیی و پارتی تەنها بەدوای وەرگرتنی پارە و پۆستەوە بوون و شتێکی ئەو تۆیان نەکردوە کە شایەنی باسکردن بێت، تەنانەت نەیانتوانیوە یەک بست لە خاکی ناوچە کوردستانیە کێشە لەسەرەکان بگەڕێننەوە بۆسەر هەرێمی کوردستان."

ماوەی چەند ساڵێکە لەگەڵ ئەوەی پارتی و یەکێتی زۆرێک لە پۆستە گرنگ و سیادیەکانی بەغدایان بەدەستەوە بووە، بەڵام بۆ بەرژەوەندی خۆیان بەکاریان هێناوە نەک چارەسەری کێشەکانی خەڵک لە ئێستاشدا سەرقاڵی دابەشکردنی پۆست و ئیمتیازاتەکانن بێ ئەوەی گرنگی بە کێشە و داخوازیەکانی موچە و موچەی پێشمەرگە و ماددەی ١٤٠ و کێشەکانی خەڵک بدەن.

تا ئێستا نەوەی نوێ وەک یەکەم هێزی کوردی ئۆپۆزسیۆن بوونی خۆی راگەیاندووە و ئامادەنییە هیچ پلە و پۆستێک لە حکومەتی نوێی عێراقدا وەربگرێت، نەوەی نوێ بە هاوبەشی لەگەڵ جوڵانەوەی ئیمتیداد و چەند پەرلەمانتارێکی سەربەخۆدا یەکەم هاوپەیمانی ئۆپۆزسیۆنیان بە سەرۆکایەتی شاسوار عەبدولواحید لە عێراقدا پێکهێنا.