لیژنەی باڵای روبەڕوبوونەوەی کۆرۆنا کۆتایی بە کۆبوونەوەکەی هێنا و تیایدا چەند بڕیارێک درا:

١.بە مەرج رێگا بە گەشتیاران دەدرێت بێنە ناو هەرێم. یان دەبێت ڤاکسینیان بەکارهێنابێت یان تێستی کۆرۆنایان پێبێت و ٤٨ کاتژمێری تێنەپەڕاندبێت تێستەکە.

٢.هەموو کۆڕ و کۆبوونەوە، قەرەباڵغی، ئاهەنگ، پرسە و چوونە سەرقەبران لە هەر شوێنێک هەبن، قەدەغە بکرێن و مۆڵەتیان پێنەدرێت.

٣.شوێنی و هۆڵ و هوتیل و مۆڵەکان ڤاکسین بەکاربهێنن یان ٧٢ کاژمێر جارێک تێستی ڤایرۆسی کۆرۆنا بکەن.

٤.پێویستە هەموو فەرمانبەرێک ڤاکسین وەربگرێت و ماسک بەکار بهێنێت.

٥.هەر کۆمپانیایەکی گەشتیاری تێستی ساختەی کۆرۆنای پێبێت بۆ گەشتیاران دەخرێتە لیستی رەشەوە.

٦.مەلەوانگە و شوێنە وەزرشییەکان بە کراوەیی دەمێننەوە.

٧.تەواوی هۆڵی ئاهەنگ و مەراسیمەکان دادەخرێت.

٨.شوێنە گشتییەکان بە جێبەجێکردنی رێکارە تەندروستییەکانەوە کراوە دەبن.

٩.ئەم رێکارانە بۆماوەی حەفتەیەک دەبن و لە سبەینێوە جێبەجێدەکرێن.

١٠.هەرکەس پابەند نەبێت سزا دەدرێت.

لیژنەکە ئەوەی ئاشکراکردووە، کە لە رۆژی ٣ی مانگی داهاتوودا کۆدەبنەوە و بڕیاری نوێ دەدەن.

ئەوەش لە کاتێکدایە، ماوەیەکە لە هەرێم و عێراق توشبوون بە ڤایرۆسی کۆرۆنا رووی لە زیادبوون کردووە و تەندروستیش هۆشداری داوە لەو بارەیەوە.