جوڵانەوەی نەوەی نوێ دەڵێت، ئەمشەو هێزێکی دەمامکداری یەکێتیی بەبێ هیچ تەبلیغێکی یاسایی هەڵیکوتایە سەرماڵی سەرۆکی جوڵانەوەکەمان شاسوار عەبدولواحید و بەرەو شوێنێکی نادیار رفاندوویانە.
ئەمڕۆ سێشەممە ١٢ـی ئابی ٢٠٢٥، جوڵانەوەی نەوەی نوێ لە راگەیەندراوێکدا بڵاویکردەوە، ئەم کردەوە مافیاگەرییە کە هێزێکی حزبیی سەرۆکی گەورەترین هێزی ئۆپۆزسیۆنی دەستگیرکردووە جگە لە شەرمەزاریی و رسوایی هیچ واتایەکی تری نییە.
ئاماژە
بەوەشکراوە، "ئێمە وێڕای ئەوەی ئەم کردەوە ترسنۆکانەیە شەرمەزار دەکەین، بە
یەکێتی و پارتی دەڵێین نە شاسوار عەبدولواحید و نە نەوەی نوێ ساردناکاتەوە و ئێمەی
هاوڕێیانی شاسوار عەبدولواحید لەسەر ئەم رێگای عەدالەت و راستییە بەردەوام دەبین".
ئەوەش خراوەتەڕوو،
لەهەمانکاتدا لەسەرخەتین لەگەڵ لایەنی کۆمەڵگای نێودەوڵەتیی و سەرجەم
کونسوڵگەرییەکان تا بزانن ئەم دەسەڵاتە چەندە قێزەون و ستەمکارە.
رفاندنی شاسوار
عەبدولواحید دوای ئەوە دێت کە لە چەند رۆژی رابردوو رایگەیاند، ئەگەر لەم
هەفتەیەدا کێشەی مووچە چارەسەر نەکرێت و حکومەتی کاربەڕێکەر رێکەوتنەکەی جێبەجێ
نەکات ئەوا لە هەفتەی داهاتوودا بە کرداری نەوەی نوێ هەڵوێستی گرنگی دەبێت.