AM:11:49:14/07/2025
2944 جار خوێندراوەتەوە
سەرۆکی فراکسیۆنی نەوەی نوێ لە پەرلەمانی عێراق دەڵێت، ئەو کەسەی خۆپیشاندەرێکی کوشت لە وەرتێ چەکدارێکی سەر بە پارتییە، خوا لە دنیا و قیامەت بە نەفرەتتان بکات بەهۆی ئەو تاوانەی دەرهەق بەم گەلە ئەنجامی دەدەن.
ئەمڕۆ دووشەممە ١٤ـی تەمموزی ٢٠٢٥، سروە عەبدولواحید، سەرۆکی فراکسیۆنی نەوەی نوێ لە پەرلەمانی عێراق بۆ پارتی و یەکێتی وتی، ئێوە قوتیان دەدزن و ستەمیان لێدەکەن و دەیانکوژن، بەڵام هەرچەند دەسەڵاتتان درێژە بکێشێت، هەر رۆژێک دێت میللەت حسابتان لەگەڵ بکات.
ئاماژەی بەوەشکرد، ئەو کەسەی خۆپیشاندەرێکی کوشت لە وەرتێ چەکدارێکی سەر
بە پارتییە، خوا لە دنیا و قیامەت بە نەفرەتتان بکات بەهۆی ئەو تاوانەی دەرهەق بەم
گەلە ئەنجامی دەدەن.
ئەوەش لە کاتێکدایە، شەوی رابردوو بەشێک لە دانیشتوانی وەرتێ و
بالیسان لە سنووری سۆران دژی نەبوونی کارەبا و خزمەتگوزارییەکان گردبوونەوە و
بەهۆیەوە وەک لە گرتە ڤیدیۆیەکدا دەردەکەوێت کەسێک لەلایەن پلەدارێکی پارتییەوە
کوژرا و هاوکات ژمارەیەکی دیکە لە خۆپیشاندەران برینداربوون.
