راوێژکارێکی سەرۆک وەزیرانی عێراق، لە کۆنگرەی لوتکەی وڵاتانی عەرەبی لەبەغدا رایگەیاند، ئەنجامەکانی ئەم هەڵبژاردنە رەنگە جیاوازبێت و کێشە داراییەکان ئەگەری چارەسەری هەیە، وتیشی، لەکۆبونەوەکانی لوتکەی عەرەبی گفتووگۆی جدی دەکرێت لەسەر هەناردەی نەوتی هەرێم و بەم نزیکانە چارەسەر دەبێت.
ئەمڕۆ شەممە ١٧ـی ئایارـی ٢٠٢٥، عائید هیلالی، راوێژکاری سەرۆک وەزیرانی عێراق بە ئێن ئارتی راگەیاند، ئەم لوتکەیە گرنگە لەسەر ئاساتی عێراق و وڵاتانی عەرەبی، چونکە روبەرووی ئاڵنگاری زۆر بوینەتەوە بەتایبەت لەرووی سیاسی و ئابووری و بابەتی کەشوهەوا.
وتیشی،رێکەوتنیان لەگەڵ هەرێمدا هەیە و چارەسەری پرسی مووچە
دەکەن، وتیشی، پێویستە بە زووترین کات دەستبە هەناردەی نەوتی هەرێم بکرێتەوە و بۆ
ئەو مەبەستەش دەست بە گفتوگۆدەکەینەوە لەگەڵ هەرێم.
لەبارەی
هەڵبژاردنەکانی عیراقەوە ئەو راوێژکارەی سودانی ئاماژەی بەوەکرد، ئەنجامەکانی ئەم
هەڵبژاردنە رەنگە جیاوازبێت، ئەو کێشانەی کە ساڵێکە هەیە و کێشە داراییەکانیش
چارەسەر بکرێت.
ئەوەشی
خستەروو، چەند وەفدێک هاتوونەتە بەغدا و عێراق بەجدی کار لەسەر ئەوەدەکات چارەسەری
هەموو کێشەکان لەنێوان هەرێم و بەغدا بکات.
لەبارەی هەناردەکردنەوەی نەوتی هەرێمیشەوە جەختیکردەوە، عێراق پێویستی بەوە هەیە پەلەبکرێت
لەهەناردەکردنەوەی نەوتەکە و لەکۆبونەوەکانی لوتکەی عەرەبی گفتووگۆی جدی دەکرێت لەسەر ئەو بابەتە و بەم نزیکانە
چارەسەر دەبێت.
س.ج