کەشناسی عێراق رایگەیاند، بە ئامانجی کەمکردنەوەی کاریگەرییەکانی گۆڕانی کەشوهەوا و وشکەساڵی
پڕۆژەیەکیان پێشکەشی حکومەت کردووە بۆ بەرهەمهێنانی بارانی دەستکرد،
ئەمڕۆ سێشەممە ١ـی ئازارـی ٢٠٢٥، دەستەی کەشناسی عێراق رایگەیاند، کۆبوونەوەیەک بە هاوپەیمانی لەگەڵ کۆمپانیاکانی بارانی دەستکردی ئوسترالیا ART و کۆمپانیای ئەڵمانی تایبەتمەند لە تەکنەلۆژیای بارانی دەستکرد CST ئەنجامدرا.
ئاماژەی
بەوەشکرد، پڕۆژەکە
هێشتا لە قۆناغی توێژینەوەدایە، بەو پێیەی پێویستی بە بودجەیەکی تایبەت و پاڵپشتی
لۆجستی هەیە، جگە لە بەکارهێنانی فڕۆکەی چاودێری و فڕۆکەی تایبەتمەند بۆ بەرهەمهێنانی
بارانی دەستکرد.
وتیشی، پڕۆژەکە پشت بە
تەکنەلۆژیای پێشکەوتووی کۆکردنەوەی هەور دەبەستێت و رێژەی سەرکەوتنەکانی بەپێی
ناوچەکانی ناو عێراق جیاوازە.
هەروەها، ئەم دەستپێشخەرییە لە کاتێکدایە
کە عێراق لە پلەی پێنجەمی جیهاندایە کە زۆرترین زیانی بەرکەوتووە بەهۆی گۆڕانی کەشوهەوا،
ئەمەش پێویستی بە چارەسەری داهێنەرانە هێندەی تر بەپەلە دەکات.