سەرۆکی ئەمریکا رایگەیاند، لە رێگەی تەلەفۆنەوە قسەی لەگەڵ سەرۆکی میسر کردووە و گفتوگۆیەكی باشیان لەبارەی هێرشەكانی ئەمریكا بۆ سەر حوسیەكان، غەززە و چارەسەرە ئەگەرییەكان ئەنجامداوە.
ئەمڕۆ سێشەممە ١ـی نیسانـی ٢٠٢٥، دۆناڵد ترەمپ، سەرۆکی ئەمریکا رایگەیاند، پەیوەندی تەلەفۆنیەكەی لەگەڵ عەبدولفەتاح سیسی، سەرۆکی میسر، زۆر باش بەڕێوەچوو.
وتیشی، باسمان لە چەندین بابەت کرد، لەنێویاندا ئەو پێشکەوتنە
سەربازییە گەورەیەی کە بەدەستمان هێناوە لە دژی حوسییەکانی لە یەمەن.
هەروەها، باسی غەززە و چارەسەرە ئەگەرییەکان کرا، لەگەڵ
ئامادەکاری سەربازی و چەن بابەتێکی تر.
ئەوەش لە کاتێکدایە، سەرۆکی میسر وردەکاریی پلانێکی بۆ ئایندەی کەرتی
غەززە ئاشکراکرد و دوپاتی کردەوە کە قاهیرە پێشنیارەکانی گواستنەوەی گەلی فەلەستین
رەتدەكاتەوە.