سەرۆکی دەستەی دەروازە سنوورییەکانی عێراق رایگەیاند، پڕۆسەی بەستنەوەی ئەلیکترۆنی بۆ سەرجەم دەروازە سنوورییە وشکانی و دەریاییەکان و ئاسمانییەکان تەواوبووە و لە ماوەی دوو مانگدا زیاتر لە ٤٠٠ ملیار دینار داهاتیان هەبووە.
ئەمڕۆ دووشەممە ٣١ـی ئازارـی ٢٠٢٥، سەرۆکی دەستەی دەروازە سنوورییەکانی عێراق رایگەیاند، پڕۆسەی بەستنەوەی ئەلیکترۆنی بۆ سەرجەم دەروازە سنوورییە وشکانی و دەریاییەکان و ئاسمانییەکان تەواوبووە.
ئاماژەی بەوەشکرد، پرۆسەی بەستنەوەی
سەرجەم دەروازە سنوورییە وشکانی و دەریاییەکان و ئاسمانییەکانی بە ژوورێکی ئۆپەراسیۆنی
ناوەندی یەکگرتوو تەواوبووە، کە ئێستا ئۆپەراسیۆنەکانی کۆنترۆڵکردن بە شێوەیەکی راستەوخۆ
و بە شێوەیەکی رێکخراو لە رێگەی سیستەمێکی ئۆتۆماتیکی ئەلیکترۆنیەوە بەڕێوەدەبرێن.
باسی لەوەشکرد، بەستەری ئەلیکترۆنی بوارە جیاوازەکانی رێکخستن دەگرێتەوە، لەوانە
وردبینیکردن و پشکنینی کاڵاکان، وردبینیکردنی بەرنامەی لێخۆشبوون بۆ هاوردەکردن بۆ
وڵات، و چاودێریکردن و وردبینی پسوڵە.
ئەوەشی خستەڕوو، ئامارە سەرەتاییەکانی مانگەکانی کانونی دووەم و شوباتی ئەمساڵ،
داهاتی زیاتر لە ٤٠٠ ملیار دینار بووە.
هەروەها، دەسەڵاتەکە هەوڵدەدات ئەو داهاتانە دوو هێندە بکات وەک بەشێک لە
پلانە ستراتیژییەکانی بۆ بەهێزکردنی سەرچاوەکانی دەوڵەت و کۆنتڕۆڵکردنی بەندەرەکان
بەشێوەیەکی کاریگەرتر.