توێژینەوەیەکی زانستی هۆشداری داوە کە زیادەڕۆیی لە خواردنی خوێ ئەگەری تووشبوون بە قەڵەوی ورگ زیاد دەکات، کە یەکێکە لە مەترسیدارترین جۆرەکانی قەڵەوی پەیوەستە بە کێشەکانی دڵ و خوێنبەرەکانەوە.
توێژینەوەیەک کە لەلایەن توێژەرانی زانکۆی تولان لە ئەمریکا ئەنجامدراوە، پەیوەندییەکی راستەوخۆی نێوان وەرگرتنی زۆری سۆدیۆم و کەڵەکەبوونی چەوری ورگی دەرخستووە، تەنانەت لە غیابی زیادبوونی کێشی گشتیدا.
ئەنجامەکان ئاماژەیان بەوە کردووە، کە کاریگەرییە نەرێنییەکانی خوێ پەیوەندییان
بە زیادبوونی بەرگری ئەنسۆلین و تێکچوونی میتابۆلیزمەوە هەیە، کە دەبێتە هۆی کۆبوونەوەی
چەوری ناوپۆشی جەستە.
بەوتەی توێژەران، کەمکردنەوەی خواردنی خوێ تەنها یارمەتی کۆنتڕۆڵکردنی پەستانی
خوێن نادات، بەڵکو رەنگە یارمەتیدەر بێت بۆ رێگریکردن لە تێکچوونی میتابۆلیزم و قەڵەوی
سک.
توێژینەوەکە داوا دەکات پێداچوونەوە بە خووی خواردنی رۆژانە بکرێت و دووربکەونەوە
لە زیادەڕۆیی لە خواردنی ئەو خۆراکانەی دەوڵەمەندن بە خوێ بەتایبەت خواردنە خێراکان
و خواردنە قوتووەکان.