AM:09:14:19/03/2025
5180 جار خوێندراوەتەوە
نێردەی تایبەتی سەرۆکی ئەمەریکا رایگەیاند، گفتوگۆکانی ئاگربەستی ئۆکرانیا و روسیا، رۆژی یەکشەممەی داهاتوو لە جددەی سعوودیە دەستپێدەکاتەوە.
ئەمڕۆ چوارشەممە ١٩ـی ئازارـی ٢٠٢٥، ستیڤ ویتکۆڤ، نێردەی تایبەتی دۆناڵد ترەمپ، سەرۆکی ئەمەریکا رایگەیاند، گفتوگۆکانی ئاگربەستی ئۆکرانیا و روسیا، لە جددەی سعودیە دەستپێدەکاتەوە.
ئەوەشی خستەڕوو، تیمێکمان هەیە بە سەرۆکایەتی مایک
والتز، راوێژکاری ئاسایشی نیشتمانی و مارکۆ رۆبیۆ وەزیری دەرەوەی
ئەمریکا دەچنە سعوودیە، و پێموایە دەزانن
کە دەبێت وردەکارییەکان دیاری بکەن.
ئەمەش لە کاتێکدایە، دوێنی، ١٨ـی ئازاری ٢٠٢٥،
دۆناڵد ترەمپ و ڤلادیمێر پۆتین، لە پەیوەندیەکی تەلەفۆنیدا ٢ کاتژمێر و نیو قسەیان
کرد و تێیدا باسی چەندین دۆسیەی جیاواز و ستراتیژیان کرد.
