AM:09:55:14/03/2025
2256 جار خوێندراوەتەوە
ئاسایشی هەولێر بڵاویکردەوە، شەوی رابردوو کەسێک چوار ئەندامی خانەوادەکەی لە ماڵی خەزوری کوشتووە و دوو منداڵیشی بریندار کردووە.
ئەمڕۆ هەینی ١٤ـی ئازاری ٢٠٢٥، ئاسایشی هەولێر راگەیەندراوێکی بڵاوکردەوە رایگەیاند، بەهۆی کێشەی کۆمەڵایەتییەوە شەوی رابردوو پزیشکێک چووەتە سەر ماڵی خەزوری، بە دەمانچە هاوسەرەکەی و خوشکی هاوسەرەکەی و خەسوو خەزوری کوشتووە و منداڵێکی خۆی و منداڵێکی خوشکی هاوسەرەکەی بریندار کردووە.
ئاسایشی هەولێر ئاماژەی
بەوەش کردووە، دوای رووداوەکە توانیویانە تۆمەتبارەکە دەستگیر بکەن.
بە وتەی شایەدحاڵەکان،
ماوەیەک پێش ئێستا کێشە لە نێوان ئەو پزیشکە و هاوسەرەکەیدا دروست بووە، دوێنێ شەو
چووەتە ماڵی خەزوری و لە دوای دروستبوونی دەمەقاڵەیەکی زۆر ماڵەکەی بەجێ هێشتووە و
پاش نیو کاتژمێر گەڕاوەتەوە و رووداوەکە روویداوە.
