PM:10:13:11/03/2025
5964 جار خوێندراوەتەوە
سەرۆک کۆماری تورکیا، دوای رێککەوتنەکەی مەزڵوم عەبدی و ئەحمەد شەرع رایگەیاند، دەمانەوێت هەموو ناوچەکە بەبێ هیچ جیاکارییەکی ئایینی و تائیفی و نەتەوەیی، لە ئارامی و خۆشگوزەرانی بەهرەمەند بێت.
ئەمڕۆ سێشەممە ١١ـی ئازارـی ٢٠٢٥، دوای رێککەوتنەکەی مەزڵوم عەبدی و ئەحمەد شەرع، ئەردۆغان، سەرۆك كۆماری توركیا رایگەیاند، جێبەجێکردنی تەواوی رێککەوتنەکەی نێوان شەرع و مەزلوم عەبدی خزمەت بە ئاسایش و سەقامگیری سوریا دەکات و هەموو سوریاییەکان سوودی لێوەردەگرن .
ئەوەشی خستەڕوو، هەموو هەوڵێک بۆ پاکتاوکردنی سوریا لە تیرۆر بە
هەنگاوێک بە ئاراستەیەکی دروست دەزانن.
ئاماژەی بەوەشکرد، گرنگییەکی زۆر دەدەن بە یەکپارچەیی خاکی سوریای
دراوسێیان و پاراستنی یەکگرتوویەکەی.
