AM:10:25:11/03/2025
760 جار خوێندراوەتەوە
وابڕیارە ئەمڕۆ هەردوو شاندی ئەمریکا و ئۆکرانیا بە نێوەندگیری سعودیە لەسەر بابەتی واژۆکردنی رێککەوتننامەی کانزاکانی ئۆکرانیا کۆببنەوە.
ئەمڕۆ سێشەممە ١١ـی ئازارـی ٢٠٢٥، دوای ئەوەی لە سەرەتای ئەم مانگەدا، ڤۆلۆدمێر زیلنسکی سەرۆکی ئۆکرانیا و دۆناڵد ترەمپی سەرۆکی ئەمریکا لە کۆشکی سپی لەسەر رادەستکردنی کانزا دەگمەنەکانی کیڤ بە واشنتن کۆبوونەوە و نەگەیشتنە ئەنجام، بڕیارە ئەمڕۆ شاندی هەردوو وڵات لە سعودیە لەسەر هەمان بابەت کۆببنەوە.
هەروەها دوێنێ محەمەد بن سەلمان، شازادەی سعودیە بە جیا لەگەڵ ڤۆلۆڤمیر زیلینسکی
و مارکۆ روبیۆ وەزیری دەرەوەی ئەمریکا کۆبووەوە و پاڵپشتیی خۆی بۆ ئاسانکردنی پەیوەندییەکانی
هەردوو وڵات دووپاتکردەوە و زیلینسکیش سوپاسی شازادەی سعودیەی کرد بۆ هەڵوێستەکەی.
هاوکات، وەزیری دەرەوەی ئەمریکاش رایگەیاند، "دەمانەوێت بزانن ئۆکرانیا
دەوێت چی بەدەستبهێنێت و ئامادەیە دەستبەرداری چی ببێت، چونکە ناکرێت بیانەوێت
ئاگربەست بەدەستبهێنن و ئامادە نەبن لە بەرامبەردا دەستبەرداری هیچ شتێک ببن".
