PM:07:22:05/03/2025
1192 جار خوێندراوەتەوە
ئاسایشی نیشتمانی عێراق رایگەیاند، یەکێک لە مەترسیدارترین تۆڕەكانی بازرگانیکردن بە ماددە هۆشبەرەکانیان دەستگیر کردوە کە نۆ کەس بوون و بڕێکی زۆر ماددەی هۆشبەریان پێبووە.
ئەمرۆ چوارشەممە پینجی ئازاری ٢٠٢٥، دەزگای ئاسایشی نیشتمانی عێراق راگەیەندراوێکی بڵاوکردەوە، لە دوای ئەنجامدانی ئۆپراسیۆنێکی سێ مانگی و دەستگیرکردنی ژمارەیەک تۆمەتباری ماددەهۆشبەرەكان، لەكاتی لێكۆڵینەوەكاندا توانیویانە سەرجەم ئەندامەكانی مەترسیدارترین تۆڕی بازرگانیکردن بە ماددە هۆشبەرەكان دەستگیربكەن كە ژمارەیان نۆ كەس بووە.
ئاماژەی بەوەشکرد، لە لێکۆڵینەوەکاندا کۆگایەکی سەرەکی ماددە
هۆشبەرەکانیشیان دۆزیوەتەوە و دەستیان گرتووە بەسەر سێ کیلۆگرام و نیو ماددەی
هۆشبەر لە جۆری ماریجوانا و (٢٢٠) قوتوی پلاستیک کە کۆکاینیان تێدا بووە.
دەزگای ئاسایشی نیشتمانی عێراق باسی لەوەشکردووە، لە ماڵی یەكێك لە
تۆمەتبارەكان توانیویانە دەستبەسەر (٤٥٨) پارچە ماددەی هۆشبەری دیكەدا بگرن.
