سەرۆک وەزیرانی بەریتانیا پێشوازی لە ڤۆلۆدیمێر زیلینسکی کرد و جەختی لە پشتیوانی تەواوی وڵاتەکەی خۆی بۆ ئۆکرانیا کردەوە.
ئەمڕۆ یەکشەممە ٢ـی ئازارـی ٢٠٢٥، کییەر ستارمەر، سەرۆک وەزیرانی بەریتانیا، پێشوازی لە ڤۆلۆدیمێر زیلینسکی، سەرۆکی ئۆکرانیا کرد و لە میانەی دیدارەكەیدا رایگەیاند، کە بە تەواوی هاوسۆزی و پشتیوانی ئۆکرانیا دەبێت.
پاش سەردانەکە زیلینسکی لە تۆڕی کۆمەڵایەتی
ئێکس بڵاویکردەوە، لە کۆبونەوەکەدا لەگەڵ ستارمەر گفتوگۆیان لەسەر ئاستەنگەکانی
بەردەم ئۆکرانیا و هەموو ئەوروپا و هەماهەنگی لەگەڵ هاوبەشەکانیان کردوە.
ئاماژەی بەوەشکرد، هەنگاو دەنێن بۆ
بەهێزکردنی پێگەی ئۆکرانیا و کۆتاییهێنان بە شەڕ بە شێوەیەکی دادپەروەرانە، لەگەڵ
گەرەنتی ئەمنی باوەڕپێکراو.
هەردوای سەردانەکە هەریەکە لە ئەڵمانیا و
فەرەنسا و پۆڵەندا پشتیوانی خۆیان بۆ ئۆکرانیا دەربڕی و وەزیری دەرەوەی ئەڵمانیا
رایگەیاند، لەگەڵ وڵاتانی دیکەدا بەردەوام دەبن لە ناردنی پشتیوانی سەربازی بۆ
ئۆکرانیا.
رۆژی هەینی ترمپ و زیلنسکی لە کۆشکی سپی
کۆبونەوە بەڵام گفتوگۆی توند لە نێوانیاندا ڕوویداو ئەمەش کاردانەوەی زۆری بەدوای
خۆیدا هێنا.