PM:03:46:24/02/2025
6344 جار خوێندراوەتەوە
تاقیگەی فەلەکناسی خۆر لە پەیمانگای توێژینەوەی بۆشایی ئاسمان و پەیمانگای فیزیای خۆر و زەوی لە ئەکادیمیای زانستی ڕووسیا رایانگەیاند لە ماوەی نزیکەی دوو مانگ و نیودا بۆ یەکەمجارە درەوشانەوەیەکی گەورە لە بەرزترین پلەدا روودەدات.
بەپێی بەیاننامەکە ئەو درەوشانەوانەی تیشکی خۆر بە بەرزترین پلەی X لەسەر خۆر ڕوویداوە کە بە نزیکەی کاتژمێر ٢٢:٢٠ بەکاتی مۆسکۆ تۆمارکراوە، ڕیزبەندی سەرەتایی بۆ ئەمە ٢.٠ Xە، دوایین دەروشانەوەی هاوشێوە لەسەر خۆر لە ٨ی کانوونی دووەمی ٢٠٢٤ بووە کە نزیکەی دوو مانگ و نیو لەمەوبەر بووە.
شارەزایان دەڵێن، ئەو رووداوانە لە ئەنجامی زیادبوونی
خێرای چالاکییەکانی خۆرەوەیە کە کەمتر لە رۆژێک لەمەوبەر دەستیپێکردووە و تا ئێستاش
بەردەوامە، جێگەی باسە پێشتر سێ ئاگرکەوتنەوە لە ئاستی ناوەڕاستدا بینراون.
بەگوێرەی لێدوانی شارەزایان " تا ئێستا
هیچ نیشانەیەک نییە بۆ کەمبوونەوەی چڕی چالاکییەکە بەگوێرەی زانیارییەکانمان ئەگەری
ئەوە هەیە ڕووداوی گەورەی نوێ رووبدات، ئەو هەڵچوونە لە لێواری رۆژئاوای خۆر روویداوە،
بە ئەگەرێکی کەم کاریگەری لەسەر زەوی و دروستبوونی زریانی موگناتیسی هەیە"
