AM:11:38:18/02/2025
5508 جار خوێندراوەتەوە
شاندی رووسیا بە سەرۆکایەتی وەزیری دەرەوەی وڵاتەکە گەیشتە سعودیە و لەگەڵ شاندی ئەمریکا کۆبووەوە.
ئەمڕۆ سێشەممە ١٨ی شوباتی ٢٠٢٥، یوری ئوشاکۆڤ، یاریدەدەری سەرۆکایەتی رووسیا رایگەیاند، لە کۆبوونەوەکەمان لەگەڵ شاندی ئەمریکا گفتوگۆ دەکەن لەسەر پەیوەندییەکانی نێوان مۆسکۆ و واشنتن و پرسی جەنگی رووسیا و ئۆکرانیاش یەکێکی تر دەبێت لە پرسە گرنگەکانی کۆبوونەوەکە.
باسی لەوەشکرد، شاندەکەی رووسیا بە تەنیا بۆ پەیوەندی دوو قۆڵی لەگەڵ
هاوتا ئەمریکییەکانی گەیشتوونەتە سعودیە و هیچ دانوستانێکی سێ قۆڵی نابێت.
لەلایەکی ترەوە، شاندەکەی ئەمریکا لە مارکۆ
ڕۆبیۆ وەزیری دەرەوەی ئەمریکا و مایک واڵتز یاریدەدەری ئاسایشی نیشتیمانی و ستیفان
ویتکۆف نێردەی تایبەتیی ترەمپ لە رۆژهەڵاتی ناوەڕاست پێکدێن.
