AM:09:56:17/02/2025
960 جار خوێندراوەتەوە
وتەبێژی حکومەتی عێراق رایگەیاند، هیچ گۆڕانکارییەک لە کاتی کشانەوەی هێزەکانی هاوپەیمانی نێودەوڵەتی لە عێراق نەکراوە و وتیشی، "پەیوەندییەکانمان لەگەڵ حکومەتی سوریای نوی باشە".
ئەمڕۆ دووشەممە ١٧ـی شوباتـی ٢٠٢٥، باسم عەوادی، وتەبێژی حکومەتی عێراق ئاماژەی بەوەشکرد، ئەو وادەیەی عێراق و هاوپەیمانی نێودەوڵەتی رێکەوتنیان لەسەر کردوو کە لەلایەن لیژنەی باڵای سەربازییەوە دەرچووە بۆ مانەوەی هێزەکانی هاوپەیمانان لە عێراق هێشتا ماویەتی و هیچ گۆڕانکاریییەک رووی نەداوە.
هاوکات وتیشی، پەیوەندییەکانیان لەگەڵ حکومەتى نوێی سوریا باشە و هەر
لە سەرەتاوە عێراق دەستێوەردانی لە کاروباری سوریادا نەکردووە و عێراق ئامادەی
هاوکاریکردنی ئەو وڵاتە بووە و وتیشی، وەزیری دەرەوەی سوریا بەمەبەستی پتەوکردنی پەیوەندییە
دیپلۆماسییەکانی نێوان هەردوو وڵاتەکە سەردانی بەغدا دەکات.
