ئاژانسێکی ئەمریکی بڵاویکردەوە، بڕیارە کۆتایی ئەم مانگە سه‌رۆكی ئه‌مه‌ریكا و سه‌رۆكی رووسیا لە سعودیە کۆببنەوە.
ئەمڕۆ شەممە ١٥ـی شوباتـی ٢٠٢٥، ئاژانسی بلومبێرگ رایگەیاند، وڵاتی سعودیە ئامادەیی خۆی دەربڕیوە پێشوازی لە کۆبوونەوەی لووتکەی نێوان دۆناڵد ترەمپ، سەرۆکی ئەمریکا و ڤلادیمیر پوتین سەرۆکی روسیا بکات.
ئاژانسی بلومبێرگ ئاماژەی
بەوەشکردووە، وادەی کۆبوونەوەکە کۆتای ئەم مانگە دەبێت.
هاوکات، لە کۆبوونەوەکەی ترەمپ
و پوتیندا، یەکێک لە تەوەرە سەرەکییەکان قسەکردن دەبێت لەسەر کۆتاییهێنان بە جەنگی
نێوان رووسیا و ئۆکرانیا.
وەزارەتی دەرەوەی سعودیەش
رایگەیاندووە، پێشوازی لە هەموو ئەو هەوڵانە دەکەن کە ئامانجیان بەدیهێنانی ئاشتیی
بێت لە نێوان رووسیا و ئۆکرانیا.