PM:11:11:14/02/2025
6304 جار خوێندراوەتەوە
سەرۆک وەزیرانی هندستان سەردانی ئەمریکای کرد و چەند رێککەوتنێکی بازرگانی لەگەڵ ئەو وڵاتە واژۆ کرد، ترەمپیش پێشنیازی دروستکردنی رێڕەوێکی نوێی بازرگانی کردووە کە لە هندستانەوە دەستپێدەکات و بەناو رۆژهەڵاتی ناوەڕاستدا تێدەپەڕێت بۆ ئەوروپا.
ئەمڕۆ هەینی ١٤ـی شوباتـی ٢٠٢٥، میدیاکانى هندستان بڵاویانکردەوە، نارێندرا مودی، لەگەڵ سەرۆکی ئەمریکا کۆبووەتەوە و لە کۆبوونەوەکەدا چەند رێککەوتنێک واژۆ کراوە و ترەمپ رایگەیاند، ئاسانکاری دەکەن بۆ فرۆشتنى فرۆکەى جەنگی پێشکەوتووى وەک ئێف ٣٥ وتیشى، لەگەڵ هندیستان رێککەوتوون لەسەر دروستکردنی یەکێک لە گەورەترین رێگا بازرگانییەکان کە لە مێژوودا دەستپێدەکات و بەناو ئیسرائیل و ئیتاڵیادا تێدەپەڕێت و دواتر دەچێتە ئەمریکا.
ترەمپ پشگیری خۆیشی بۆ هندستان دووپاتکردەوە
بۆ ئەندامبوون لە ئاژانسی نێودەوڵەتی وزە کە گرنگی بە هەمامەنگی نەوت و گاز و وزەی
ئەتۆم دەدات و ئەم پابەندبوونە کاریگەری دەبێت لە خێراکردنی هندستان بەرەو وزەی
پاک و بەردەوام و لە هەمانکاتدا هاوکاری وزەی ئەتۆمی نێوان ئەمریکا و هندستان زیاد
دەکات.
هاوکات، ئەم رێرەوە بازرگانیەى ترەمپ پێشنیازی
کردووە وەک دژایەتیکردنى، رێگاى بازرگانى پشتێن و رێگای چین لێکدەدرێتەوە کە لە رێگەیەوە
ئەو وڵاتە چەند ساڵێکە هەوڵ بۆ کۆنترۆڵکردنی بارزگانى جیهانی دەدات.
