PM:01:21:14/02/2025
1824 جار خوێندراوەتەوە
سەرۆکوەزیرانی عێراق پاڵشتی حکومەتی بۆ ساغکردنەوەی بەرهەمی جوتیاران دووپاتکردەوە و لەگەڵ کۆمپانیایەکی کشتوکاڵی کۆبووەوە. راشیگەیاند، وڵاتەکەی بڕێکی زۆر لە گەنمی ناوخۆیی هەناردەی دەرەوەی کردووە.
ئەمرۆ هەینی ١٤ـی شوباتـی ٢٠٢٥، نووسینگەی راگەیاندنی محەمەد شیاع سودانی، سەرۆک وەزیرانی عێراق راگەیەندراوێکی بڵاوکردەوە و رایگەیاند، سەرۆکوەزیرانی عێراق لە میانی بەشداریکردنی لە ٦١ەمین کۆنفرانسی ئاسایشی میونخ پێشوازیی لە شاندێکی کۆمپانیای کلاس کرد کە تایبەتە بە کەرەستە و ئامێری کشتوکاڵی.
ئاماژە بەوەشدراوە،
سودانی رایگەیاندووە، حکومەت پاڵپشتی بەردەوامی جوتیاران دەکات بەمەبەستی هاوکاریکردنییان
و ساغکردنەوەی بەرهەمەکانییان، هەربۆیە لەماوەی رابردوودا عێراق بڕێکی زۆری گەنمی
ناوخۆیی هەناردەی دەرەوەی وڵات کردووە.
لە درێژەی کۆبوونەوەکەدا،
بڕیاردراوە هەردوولا، هەماهەنگی زیاتر بکەن لەپێناو گەشەسەندنی بواری کشتوکاڵ لە وڵاتەکەدا
و چەند سەنتەرێکی راهێنان و ژمارەیەک ئامێری کشتوکاڵی بۆ عێراق دابینبکەن.
کۆمپانیای کلاس، یەکێکە
لە کۆمپانیا بەناوبانگەکانی ئەڵمانیا کە لەبواری کشتوکاڵیدا کاردەکات و لە چەندین
وڵاتی جیهاندا سەرپەرشتی پرۆژەی کشتوکاڵی دەکات لە نێویاندا عێراق.
