AM:11:37:11/02/2025
6516 جار خوێندراوەتەوە
سەرۆکی ئەمریکا رایگەیاند، هاوکارییەکانی میسرو ئوردن دەوەستێنێت ئەگەر ئاوارەکانی غەززە وەرنەگرن. میسریش بڕیارەکەی رەتکردووەتەوە و گروپە چەکدارەکانی غەززەش دەڵێن، ئەگەر ناچار بن، بەچەک وەڵامی ئەو بڕیارەی ترەمپ دەدەنەوە.
ئەمڕۆ سێشەممە ١١ی شوباتی ٢٠٢٥، دوای ئەوەی دۆناڵد ترمپ سەرۆکی ئەمریکا بڕیاریدا ئاوارەکانی غەززە بنێرێتە میسر و ئوردن و نەگەڕێنەوە بۆ خاکی خۆیان، حەماس رایگەیاند، بە چەک وەڵامی ئەم بڕیارەی ترەمپ دەدەنەوە و پارێزگاری لە خاکی خۆیاان دەکەن.
هاوکات، بەدرعەبدولعاتی وەزیری دەرەوەی میسر
رایگەیاند، ئیدارەی ترەمپیان ئاگادار کردووەتەوە کە وڵاتانی عەرەبی پشتیوانی
فەڵەستینییەکان دەکەن و پلانی ترەمپ رەتدەکەنەوە بۆ دوبارە ئاوارەکردنیان و کۆنترۆڵکردنی
غەززە لەلایەن وڵاتانی دیکەوە.
لەبەرامبەریشدا، دۆناڵد ترەمپ دەڵێت، ئەگەر
میسر و ئوردن ئاوارەکانی غەززە وەرنەگرن، ئەوا سەرجەم هاوکارییەکانی ئەمریکا بۆ
ئەو دوو وڵاتە رادەگرێت.
