PM:11:31:05/02/2025
5848 جار خوێندراوەتەوە
سکرتێری گشتی نەتەوە یەکگرتووەکان لە بارەی راگواستنى دانیشتوانى غەزە هۆشداریدا و رایگەیاند، کارێکی لەو شێوەیە پاکتاوی نەتەوەییە و نابێت ئەنجامبدرێت.
ئەمرۆ چوارشەممە پێنجـی شوباتـی ٢٠٢٥، ئەنتۆنیۆ گۆتێرێس، سکرتێری گشتی نەتەوە یەکگرتووەکان لەبارەی گرتنە دەستی غەززە لە لایەن ئەمریکاوە رایگەیاند، پێشنیازەکەی ترەمپ بۆ راگواستنى خەڵکی غەززە پاکتاوی نەتەوەییە و نابێت خەڵکی غەززە رابگوێزرێن و لە شوێنی دیکە نیشتەجێ بکرێن.
ئاماژەی بەوەش کرد، نابێت کێشەکە خراپتر بکرێن
و بەڵکو زۆر گرنگە هەموو لایەک رێز لە یاسا نێودەوڵەتییەکان بگرن و خۆیان لە هەر
پاکتاوێکی نەژادی و نەتەوەیی بەدوور بگرن.
ئەمەش دوای ئەوە دێت، دۆناڵد ترەمپ سەرۆکی ئەمریکا
رایگەیاند، لە ئێستادا غەززە بووەتە وێرانە، بۆیە دەیانەوێت خاکی غەززە بگرنە دەست
و دانیشتوانەکەی لە وڵاتانی تردا نیشتەجێ بکەن.
