PM:10:43:03/02/2025
6660 جار خوێندراوەتەوە
سەرۆکی ئەمریکا رایگەیاند، دەیانەوێت هەرچۆن بێت کۆتایی بە جەنگی روسیا و ئۆکرانیا بهێنن، وتیشی ئیدارەکەی لە گفتوگۆدان لەگەڵ روسیا بۆ گەشتن بە رێککەوتن و راگرتنی جەنگەکە.
ئەمڕۆ دووشەممە ٣ی شوباتی ٢٠٢٥، دۆناڵد ترەمپ لە لێدوانێکی رۆژنامەنووسیدا دەڵێت، لەگەڵ دەسەڵاتدارانی رووسیا لە گفتوگۆیەکی چڕدان سەبارەت بە کۆتاییهێنان بە جەنگی رووسیا لەگەڵ ئۆکرانیا.
ئاماژەی بەوەشکرد، گفتوگۆکان و هەوڵەکانی بەرپرسانی ئیدارەکەی بەردەوامن بۆ
رێکخستنی گفتوگۆکانی نێوان رووسیا و ئۆکرانیا و بە شێوەیەکی جدیی کار لەسەر وەستانی
جەنگەکە دەکەن.
ئەمەش دوای ئەوە دێت دۆناڵد ترەمپ پێش دەستبەکاربوونەوەی وەک سەرۆکی ئەمریکا
بەڵێنی راگرتنی جەنگی رووسیا و ئۆکرانیای دابوو، دوای بوون بە سەرۆکی ئەمریکاش
داوای لە پۆتنی سەرۆکی رووسیاکرد جەنگەکە لەگەڵ ئۆکرانیا رابگرێت، لە وەڵامیشدا سەرۆکی
رووسیا رایگەیاند ئامادەیە لەسەر ئەو پرسە لەگەڵ ترەمپ گفتوگۆ بکات.
