AM:11:31:02/02/2025
1600 جار خوێندراوەتەوە
هەر یەک لە چین و کەنەدا و مەکسیک دژی بڕیارەکەی ترەمپ بۆ باج خستنەسەر کاڵا و شتومەکەکانیان وەستانەوە و بڕیارەکەی سەرۆکی ئەمریکا بە شکاندنی یاسای بازرگانی نێودەوڵەتی ناودەبەن و هەرەشەی باج خستنەسەر کاڵای ئەمریکی دەکەن.
ئەمڕۆ یەکشەممە ٢ـی شوباتـی ٢٠٢٥، ئاژانسە جیهانییەکان بڵاویان کردەوە، حکومەتی چین نیگەرانی خۆی دەربڕیوە لەو بڕیارەی ترەمپ و رایانگەیاند، ئەمریکا یاسای بازرگانی نێودەوڵەتی شکاندووە.
هاوکات، سەرۆکوەزیرانی کەنەدا رایگەیاند، وڵاتەکەی
رێکاری نوێ دەگرێتەبەر دژ بە یاسای نوێی
باجی ئەمریکا لەسەر ئاڵوگۆڕی بازرگانی نێوان هەردوو وڵات و هۆشیاریدا ئەو بڕیارەی
ترەمپ لێکەوتەی خراپی بۆ سەر ئەمریکییەکان دەبێت.
ئەوەش دوای ئەوە دێت، دۆناڵد ترەمپ رایگەیاندبوو،
بەهۆی نەپاراستنی سنوری وڵاتەکانیان و کۆنتڕۆڵنەکردنی هاتنی کۆچبەران و هەناردەکردنی
دەرمانێک کە وەک ماددەی هۆشبەر بەکاردەهێنرێت، باج دەخاتەسەر کاڵا و شتومەکی چین و
مەکسیک و کەنەدا کە بۆ ئەمریکا هەناردەی دەکەن.
