PM:05:04:01/02/2025
9984 جار خوێندراوەتەوە
بەڕێوەبەری ڤێتەرنێری لە کشتوکاڵی عێراق رایگەیاند، بەمەرج رێگە دەدرێت بە بەردەوامبوونی هاتنە ناوەوەی پەلەوەر و بەرهەمەکانی لە هەرێمی کوردستانەوە بۆ شارەکانی دیکەی عێراق.
ئەمڕۆ شەممە ١ـی شوباتـی ٢٠٢٥، سامر حەبیب، بەڕێوەبەری گشتیی بەشی ڤێتێرنەری لە وەزارەتی کشتوکاڵی عێراق لە بەیاننامەیەکدا رایگەیاند، هاتنە ناوەوەی پەلەوەر و بەرهەمەکانی لە هەرێمی کوردستان قەدەغە کراوە تا ئەوکاتەی لەلایەن تاقیگە پزیشکییەکانەوە پشتڕاست دەکرێتەوە کە پەلەوەر و بەرهەمەکان دوورن لە نەخۆشی ئەنفلۆنزای باڵندە.
ئاماژەی بەوەشکردووە، تیمەکانی چاودێری و
لێکۆڵینەوە لە نەخۆشخانە ڤێتەرنەرییەکانی عێراق بەردەوام دەبن لە پشکنین لەو ناوچانەی هاوسنوورن
لەگەڵ شارەکانی هەرێمی کوردستان.
وتیشی، تیمەکانی پشکنین چاودێری فرۆشتن و
گواستنەوەی پەلەوەر و جۆرەکانی دیکەی باڵندەی ماڵی دەکەن و لە رێگای بەکارهێنانی
ئامێری تایبەت و خێراوە بە مەبەستی پاراستنی کەرتی ئاژەڵداری لە ناوخۆی وڵات.
