PM:04:34:01/02/2025
6080 جار خوێندراوەتەوە
میدیاکانی ئەمریکا رایانگەیاند، بەبڕیاری دۆناڵد ترەمپ لە یەکی ئەم مانگەوە باج دەخرێتەسەر هەناردەی کاڵا و شتومەکەکانی مەکسیک و کەنەدا و چین کە بۆ ئەمریکا هەناردە دەکرێن.
ئەمرۆ شەممە ١ـی شوباتـی ٢٠٢٥، میدیاکانی ئەمریکا بڵاویانکردەوە، دۆناڵد ترەمپ، سەرۆکی ئەمریکا رایگەیاندووە، بەهۆی نەپاراستنی سنووری وڵاتەکانیان و کۆنتڕۆڵنەکردنی هاتنی کۆچبەران باجی ٢٥٪ دەخرێتە سەر کاڵا و شتومەکی مەکسیک و کەنەدا کە بۆ ئەمریکا هەناردەی دەکەن.
ترەمپ وتوشیەتی، باجی ٪١٠ دەسەپێنێت بەسەر کاڵا و شتومەکە چینییەکاندا،
بەتۆمەتی هەناردەکردنی ماددەی فەنتانیەڵ بۆ
ئەمریکا کە وەک ئازار شکێن و ماددەی هۆشبەر بەکار دەهێنرێت.
لەو بارەیەوە شارەزایانی ئابووری ئەمریکاش دەڵێن، ئەو بڕیارەی ترەمپ
کاریگەری خراپی دەبێت لەسەر ئەمریکا بەو پێیەی چین و مەکسیک و کەنەدا بە گەورەترین
هاوبەشە بازرگانییەکانی ئەمریکا هەژمار دەکرێن و ئەو بڕیارە دەبێتە هۆی بەرزبوونەوەی
ناجێگیری بازاڕی دارایی و فشار لەسەر کەرتی تایبەت.
