کۆبوونەوەی دووەمـی شاندی هەرێم و بەغدا سەبارەت بە جێگیرکردنی لیستی مووچە و لیستی خانەنشینی و چەند پرسێکی دیکە کۆتاییهات.
ئەمڕۆ شەممە ١ـی شوباتـی ٢٠٢٥، کۆبوونەوەی دووەم لە نێوان شاندی هەرێم و بەغدا لە وەزارەتی دارایی عێراق ئەنجامدرا لە نێوان شاندی هەرێم و بەڕێوەبەری بەشەکانی وەزارەتی دارایی سەبارەت بە پرسەکانی جێگیرکردنی لیستی مووچە و لیستی خانەنشینی.
هاوکات لەدوای کۆتایی هاتنی کۆبوونەوەکە تاکو
ئێستا هیچ راگەیەندراوێک بلاونەکراوەتەوە لەسەر ناوەرۆک و ئەنجامی کۆبوونەوەکە.
بەپێی زانیارییەکانی پەیامنێری ئێن ئاڕ تی لە بەغدا، لە کۆبوونەکانی نێوان شاندی هەرێم و بەغدا بڕیاربوو لەسەر بابەتەکانی لیستی دیجیتاڵی مووچە بۆ هەر ١٢ مانگەکەی ئەمساڵ و بڕی تەرخانکراوی مووچەی مانگانە کە پیشنیازکراوە ٩٠٠ بۆ ٩٥٠ ملیار دینار بۆ هەرمانگێک تەرخانبکرێت.
ئاماژەی بەوەشکردووە، بۆ مووچەی مانگی یەک داوای ترلیۆنێک و ١٢٤ ملیار دیناری کردووە.
هەروەها هەرێم داوای ٨٠٠ ملیار دینار قەرزی کردووە بۆ مووچەی مانگی ١٢.