AM:09:25:01/02/2025
5464 جار خوێندراوەتەوە
میدیاکانی ئەمریکا بڵاویانکردەوە، هەلیکۆپتەرێکی فریاگوزاریی تەندروستی لە شاری فیلادیفیا کەوتووەتە خوارەوە و شەش کەس گیانیان لەدەستداوە.
ئەمڕۆ شەممە ١ـی شوباتـی ٢٠٢٥، وەزیری دەرەوەی ئەمریکا رایگەیاند، هەلیکۆپتەرێکی خزمەتگوزاری تەندروستی لە شاری فیلادیفیا پاش فرینی بۆ ماوەی خولەکێک بەهۆی کێشەی تەکنیکیەوە تێکشکاوە و لە رووداوەکەدا شەش کەس گیانیان لەدەستداوە.
ئاماژە بەوەشکراوە، هەلیکۆپتەرەکە منداڵێکی نەخۆشی تیادابووە کە پێویستی
بە چاودێری پزیشکی بووە و دایکی منداڵەکەش لە هەلیکۆپتەرەکەدا بووە و چوار کەسەکەی
تریش تیمی هەلیکۆپتەرەکە بوون و سەرجەمیان هاوڵاتی مەکیسکی بوون.
هاوکات، ئەوەش دووەم رووداوی تێکشکانی فرۆکە و هەلیکۆپتەرە لە هەفتەیەکدا
لە ئەمریکا و ئەوەش لەکاتێکدایە، رۆژی چوارشەممەش لە رووداوی پێکدادانی فرۆکەیەکی
نەفەرهەڵگر و هەلیکۆپتەرێکی سەربازی ٦٤ کەس گیانیان لەدەستدا.
