سەرۆک وەزیرانی عێراق رایگەیاند، توانیویانە رێژەی سوتاندنی گاز بەڕێژەی ٧٠٪ کەمبکەنەوە و ئاماژەی بەوەشدا دەیانەوێت لەڕووی سوتەمەنییەوە سەربەخۆبن و نەوت و گازیش بۆ وڵاتانی دیکەی ئاسیا و ئەوروپا هەناردە بکەن و کێڵگەکانی بەرهەمهێنانی وزەی خۆریش زیاد بکەن.
محه‌مه‌د شیاع سودانی دواین ئامارى هەوڵەکانى کابینەکەى بۆ نەهێشتنى سوتانى غازى لەگەڵ دەرهێنانى نەوتدا راگەیاند و وتى هەنگاوى گەورەیان لەوبارەوە ناوە.
ئەوەشی خستە روو کە دەیانەوێت لە رێگەی
پڕۆژەی رێگەی گەشەپێدانەوە غازی شل و نەوت هەناردە بکەن بۆ وڵاتانی دیکەی ئاسیا و
ئەوروپا.
ئاماژەی بەوەشدا کە ئامانجیان ئەوەیە تا
ساڵی ٢٠٣٠ رێژەی ٤٠٪ی بەرهەمە نەوتییەکان لە بوارە پیشەسازییەکانی دیکەدا
بەکاربهێنن.
جەختی لەوەش کردەوە کە حکومەت کاردەکات بۆ
چارەسەرکردنی کێشەی کەم داهاتی و بێکاری لەڕێگەی رەخساندنی هەلی کاری زیاتر.
ئەوەشی خستەڕوو کە کارکردن لەسەر
فراوانکردنی تۆڕەکانی بەرهەمهێنانی کارەبا بەردەوامە و هاوکات کاردەکەن بۆ
چارەسەرکردنی کێشەی کەمئاوی لە عێراق و بەکارهێنانی سەرچاوە تەکنەلۆژییەکان بۆ
زیادکردنی وزەی پاک.