جێگەی باسە لەنێو خەڵکدا واباوە کەکەشوهەوای زۆر سارد زیان بە تەندروستی گورچیلەکان دەگەیەنێت، لەمبارەیەوە پسپۆران وەڵامی ئەم پرسیارە دەدەنەوە و باس لەوە دەکەن کە لە کەشوهەوای سارددا کەمتر هەست بە تینوێتی دەکەیت، ئاو خواردنەوەی کەمیش زیان بە تەندروستی گورچیلەکان دەگەیەنێت.

میکانیزمی تینوێتی جەستە لە وەرزی زستاندا کەمتر چالاکە، بۆیە ڕەنگە بەبێ ئەوەی هەستی پێبکەیت کەمتر ئاو بخۆیتەوە، شێداری جەستەش کاریگەری لەسەر توانای گورچیلە هەیە بۆ هاوسەنگکردنی ئەلکترۆلایتەکان، ئەمەش دەبێتە هۆی گرژبوونی ماسولکەکان و کێشەی تر.

هەروەها کەمبوونەوەی تیشکی خۆر لە وەرزی زستاندا ئاستی ڤیتامینDدادەبەزێنێت، ئەمەش ئەگەری تووشبوون بە بەردی گورچیلە زیاد دەکات.

چەند رێگایەک بۆ پاراستنی جەستەت لە وشکبوونەوە و پاراستنی گورچیلەکانت بە تەندروستی:

١. بە بەردەوامی ئاو بخۆرەوە تەنانەت ئەگەر تینوویشت نەبوو.

٢. سەوزە و میوە بکەرە ناو خۆراکی رۆژانەتەوە.

٣. خواردنەوەی چای گیایی.

٤. . پشکنینی ڕەنگی میزەکەت بکە، ڕەنگی میز وەک ڕێنمایی بەکار بهێنە، ئەگەر رەنگەکەی تۆخ بوو ئەوە نیشانەیە کە پێویستە ئاوی زیاتر بخۆیتەوە.

٥. کات بەسەربردن لەبەر خۆر بۆ پاراستنی ئاستی تەندروستی ڤیتامینDکە پاڵپشتی تەندروستی گورچیلە دەکات.