AM:08:34:12/01/2025
1644 جار خوێندراوەتەوە
دوای چەند مانگ، جارێکى دیکە نرخی نەوت بەرزبوونەوەی بەرچاوی تۆمارکرد و گەیشتەوە نزیکەی ٨٠ دۆلار. نرخی ئەمڕۆی نەوت لە بازاڕەکانی جیهاندا بەراورد بە دوێنێ لە جێگیریدا ماوەتەوە.
ئەمڕۆ یەکشەممە ١٢ـی کانونی دووەمـی ٢٠٢٥، بەپێی بازاڕی جیهانی، نرخی بەرمیلێک نەوتی خاوی برێنت بە ٧٩ دۆلار و ٧٦ سەنت مامەڵەی پێوە دەکرێت، ئەمەش دوای ئەوە دێت چوار مانگە نرخەکەی لە خواروو ٨٠ دۆلارەوەیە.
هاوکات، نرخی بەرمیلێک نەوتی خاوی تەکساسیش بە ٧٦ دۆلار و ٥٧ سەنت مامەڵەی
پێوە دەکرێت بەراورد بە دوێنێ هاوشێوەی نەوتی خاوی برێنت لە جێگیریدایە.
ئابوریناسان باس لەوە دەکەن، خواستی وڵاتی چین بۆ کڕینی نەوتی خاو بە
بڕێکی ئێجگار زۆر ناڕێکی لە بازاڕدا دروستکردووە و نرخی نەوتی بەرزکردووەتەوە.
ئەوەش لەکاتێکدایە، پێشتر بەهۆى خاوبوونەوەى ئابورى چین، پێشبینیەکان
بۆ خواست لەسەر نەوت لەلایەن رێکخراوى ئۆپێک و ئاژانسى وزەى نێودەوڵەتییەوە کەمکرایەوە.
