دوای چەند مانگ، جارێکى دیکە نرخی نەوت بەرزبوونەوەی بەرچاوی تۆمارکرد و گەیشتەوە نزیکەی ٨٠ دۆلار.
ئەمڕۆ شەممە ١١ـی کانونی دووەمـی ٢٠٢٥، بەپێی بازاڕی جیهانی، نرخی بەرمیلێک نەوتی خاوی برێنت گەیشتە ٧٩ دۆلار و ٧٦ سەنت، ئەمەش دوای ئەوە دێت چوار مانگە نرخەکەکی لە خواروو ٨٠ دۆلارەوەیە.
هاوکات، نرخی بەرمیلێک نەوتی خاوی تەکساسیش ٧٦ دۆلار و ٥٧ سەنتی تێپەڕاند.
ئابوریناسان باس لەوە دەکەن، خواستی وڵاتی چین بۆ کڕینی نەوتی خاو بە
بڕێکی ئێجگار زۆر ناڕێکی لە بازاڕدا دروستکردووە و نرخی نەوتی بەرزکردووەتەوە.
ئەوەش لەکاتێکدایە، پێشتر بەهۆى خاوبوونەوەى ئابورى چین، پێشبینیەکان
بۆ خواست لەسەر نەوت لەلایەن رێکخراوى ئۆپێک و ئاژانسى وزەى نێودەوڵەتییەوە کەمکرایەوە.